Запісаўся ўчора ў Прэзыдэнцкую бібліятэку

[miram]

1. Яна ў Доме Ўраду, на ўваходзе міліцыянт патрабуе паказаць чытацкі білет або службовае пасьведчаньне.
2. Каб запісацца, трэба 1) пашпарт, 2) службовае пасьведчаньне або даведка з месца працы; 3) фотка, 4) 1100 р.
3. Нібыта студэнтаў туды запісваюць з трэцяга курсу.
4. Ксэракс -- 195 р. за аркуш А4. У Акадэмцы -- 150.
5. Электронны каталог: з 1996 году -- поўны, раней -- выбарачны.
6. У каталогу ёсьць смачнае.
7. У калідорах адна з кніжных выставаў -- да 50-годзьдзя Ул.Арлова. Пара кніжак, аднак, там ягоных фамільятаў, адзін хоць таксама Ўладзімір, а другі -- увогуле нейкі В.
8. Ламінатар якраз сапсаваўся, абяцаюць, што будзе праз тыдзень, тады білет і заламінуюць.
9. Па-беларуску гавораць; шыльды таксама па-беларуску; бланк фармуляру па-беларуску, а чытацкі білет -- па-расейску; некаторыя ярлычкі ў каталогу фактычна па-расейску, але з беларускім "і".
10. Аказваецца, ў "Гісторыі беларускай (крыўскай) кнігі" назва была надрукавана ня толькі на першай старонцы папяровае вокладкі, але й на карэньчыку.