Еклесиастес царя Саломона: Глава 6

Глава 6

Иже имети богатества и не уживати их, тое теже ест суета. О человеце скупом и не имеющем погребения. О разности мудраго от безумнаго.

6:1 Ест и иное злое, еже есми видел под солнъцем, и воистинну частое межи людми.
6:2 Муж, ему же дал ест бог имение и скарбы и честь, и ничто же ся не доставаеть души его от всих речей, их же жадаеть. Но не дал ему бог силы ясти от того, але человек чужий пожреть тое. Сее суета и беда велия ест.
6:3 Аще бы родил кто сто сынов, и был бы жив за много лет и много во своем веку имел бы дней. Естъли же бы душа его не поживала от добра своего, и не имел бы погребения. О таковом я вызнаваю, иже лепши ест недоношеное дитя, нежели он.
6:4 Празно бо пришол и во тму отходить, и запомянутием зглажено будеть имя его.
6:5 Не видел ест солнъца и ниже познал розделения межи добрым и злым.
6:6 Аще бы пак и два тысеща лет жив был, и не поживал бы добрых речей. Не ко единому ли месту идуть вси речи?
6:7 Весь труд человечий во устах его ест, душа же его не наполнится добра.
6:8 Что имать более мудрый над глупаго, и что убогый едино, абы шол там, где ест живот.
6:9 Лепей ест видети тое, чего жадаешь, нежели жадати того, чего не знаешь. Но и то ест суета и злосмелость духа.
6:10 Кто ест будущий, уже ест изведано имя его, и знаемо ест, иже ест человек, а иже не можеть с силнейшим, нежели сам ест, в суде судитися.
6:11 Слова суть многа, и во многом гадании имеющая суету.

LJ: стихи

• Личные вещи: свободы кусок, водки глоток и хлеба ломоть, @ ovolk
• Так счастливы, что подступает страх, @ burrru
• Ты до слов в моем словаре, @ tituscursor
• Люблю уроки красоты, (с) Константин Гадаев, @ kirillkirill
• Время, время, пора распахнуть, @ martyan