Нататкі аскета

Тры дні дыялапу. Або зашмат, або замала.

Новое в скандинавистике

Энциклонги атакуют, @ walkinexcavator.
enciclongs

Еклесиастес царя Саломона: Глава 8

Глава 8

Иже мудрость человечия на лици является. О устех царевых. Иже духу не можем возбранити. О власти человеческой. О похоронении мертвых. О грешницех, они же без боязни божиея грешать, а иже причины дел божиих не можем знайти.

8:1 Мудрость человечья указуется на лици его, и наймоцнейшии обличие его изменить.
8:2 Аз уст царевых стерегу, и заповедей клятвы божией.
8:3 Не поспешай одыйти от лица его, и не пребуди в деле злом. Понеже все, еже восхощеть, учинить,
8:4 и слово его полно ест крепости, и ниже ему можеть кто рещи: "чему тако чиниш?"
8:5 Кто хранить заповеди, сей не искусит злого. Сердце мудраго человека разумееть часу и отповеди.
8:6 Всякое дело имать свой час и свою потребу, и многое ест человечие терпение.
8:7 Понеже не знаеть минулых речей и прийдущих, и ни жадиный посол можеть возвестити ему.
8:8 Не ест в человечией моци забранити духу, ниже имать силы в день смерти. И ниже ему отпущено будет, внегда настанеть бой, и ниже избавить безаконие грешнаго.
8:9 Все есми тое знаменал, и выдал есми сердце мое на все дела, еже ся деють под солнцем. Часом владееть человек человеком к своему злому.
8:10 Видел есми грешных погребеных, они же внегда еще живи были, на месте святом жили, и хвалили их во граде, якобы праведнии были в делех своих. Но и то ест суета,
8:11 понеже не выдавается скорое на злых людей осужение, и сего ради без всея боязни сынове людьстии чинять злая дела.
8:12 Грешник же сто крать творить грех, но долготерпением божиим продлен бывает. Аз познал есм, иже добро будеть боящимся бога, и стыдящимся пред лицем его.
8:13 Не будеть добро грешному, ниже продолъжатся дни его, но яко стень поминуть не боящиеся лица божия.
8:14 Ест и иная суета, еже бываеть на земли. Суть праведнии, им же ся зле дееть на земли, якобы имели дела злых людей. И суть грешници, они же тако свободни суть, якобы имели дела людей праведных, но и то за велми великую суету сужу.
8:15 Сего ради хвалил есм веселие, иже нет человеку лепшего под солнцем, токмо ясти и пити и радоватися. Понеже толико то возметь с собою с труду своего, во днех живота своего, еже дал ему бог под солнцем.
8:16 И приложил есми сердце мое, абых познал мудрость, и зрозумел розделом, еже ся деють на земли. Ест человек, иже во дни и в ночи очи его не поспят.
8:17 И зрозумел есми, иже человек о всех делех божиих жадиное разумное отповеди не можеть знайти, тых речей, иже ся деють под солнцем. И чим болей тружается знайти, тым мней знайдеть. Абы пак рекл мудрый, иже он таковую речь знаеть, но не будет мочи ея до конца постигнути. {Вся сия розмышлял есми в серци моем, абых прудце розумел.}