Начны парад

[miram]

Учора каля паўночы на скрыжаваньні Дразда і Машэрава рэпэтыцыя параду. Ваенная тэхніка, мабыць, прайшла да мяне. Пры мне -- кавалерыя (конная школа) і прадукцыя беларускіх прадпрыемстваў. Грае аркестр, з дынамікаў сьвяточныя галасы дыктараў. Ліхтары, міліцыя і публіка. Сярод ночы. Поўны сюр.

Не хапала толькі на якой-небудзь платформе замест халадзільнікаў і тэлевізараў -- Вія ў поўны рост. І праз дынамік, голасам Левітана: "Поднимите мне веки!"

Надпісы на машынах у параднай калоне -- спрэс па-расейску, дыктарскі тэкст таксама. У тэксьце чуваць выразы "бренд", "имидж Беларуси", "стандарты европейского качества".

Калону танкаў, БТР-аў і ўсякіх самаходак бачыў за пару дзён да таго. І салдаты маршыравалі. Вельмі дзіўна бачыць столькі войска паблізу Драздоў.