Парад

[miram]

У тэлевізары толькі што скончылася прамая трансьляцыя параду на "дзень незалежнасьці". Горад вымер. Кастрычніцкая плошча пустая, адзін ваенны аркестр стаіць з краёчку. Тратуары таксама пустыя. Людзі толькі на трыбунах -- урадавай і гасьцявой. Музыка грае "Этот день победы порохом пропах". Па шырокім праспэкце на фоне пустой плошчы крочаць рэдкія шарэнгі чалавек па 5-10. Кадры, годныя Акіры Курасавы. Першае, што спытаў К.Т., зірнуўшы ў тэлевізар: "А дзе народ?". А народу ладзяць гуляньні ў парках.

Вайсковага параду не засьпеў. А спартыўны -- праходзілі па дзесятку-другому ад кожнага віду спорту з характэрнымі рухамі: каратысты ставілі блокі, хакеісты крочылі, ведучы перад сабою клюшкі па асфальце, барцы адзін аднаго перакідалі цераз галаву, і г.д.

Уночы ў "Прэстан" (начнік) стаяла няслабая чарга. Сёньня, кажуць, сьпіртное будуць прадаваць толькі да 16:30.