Антончык, "Айчына", цырульні

[miram]

Сяргей Антончык стварае грамадзкі рух пад назвай "Айчына". Нешта неакрэсьлена-дабрачыннае, без замежнага фінансаваньня. Правесьці ўстаноўчы сход яму не далі, але ён спадзяецца, што гэта справа бліжэйшага часу. Радыё "Свабода" перадае:

Спадар Антончык асабліва падкрэсьліў, што “Айчына” ня будзе карыстацца ні заходнімі, ні ўсходнімі грантамі. А мэты новай арганізацыі акрэсьліў як выключна гуманітарныя. Гаворыць Сяргей Антончык:

(Антончык: ) “Цяпер мы хацелі б зрабіць шырокую арганізацыю, якая дапамагала б людзям ня толькі матэрыяльна, а аказвала б і прававую дапамогу. З гэтай мэтай плянуем адчыніць юрыдычныя канторы. Нават хацелі б арганізаваць некалькі цырульняў са значна ніжэйшымі расцэнкамі, чым у дзяржаўных. Гэта тычыцца і іншых кірункаў”.

Як сказаў спадар Антончык, аргкамітэт новай масавай арганізацыі ствараўся цягам двух гадоў, і цяпер прадстаўнікі “Айчыны” ёсьць у 240 населеных пунктах Беларусі.

Ад пасажа пра цырульні аж сьлёзы наварочваюцца. Асабліва ад слова "нават". Ці "некалькі".

Калі пару гадоў назад быў голад у Паўночнай Карэі, Паўднёвая Карэя прапанавала задарма столькі ежы, колькі скажуць, без ніякіх умоваў, апрача адной-адзінае: каб на мяхах было пазначана, адкуль іх прыслалі. Паўночнікі, наколькі я ведаю, так і не пагадзіліся.