Еклесиастес царя Саломона: Глава 5
Jul. 10th, 2005 07:52 am![[personal profile]](https://www.dreamwidth.org/img/silk/identity/user.png){kind=small}
miramГлава 5
Иже пред господем богом празно не имамы слюбовати, а слюбивши, имамы полнити. Во сны не веровати, бога ся бояти, кривды иным не чинити, а сребра не любити.
5:1 Не глаголи ничего злосмелого, и да не будеть сердце твое скоро к молвению слов пред господем богом. Бог убо на небесех, а ты на земли, и протож да будеть скромна реч твоя.
5:2 По многом печаловании бываеть видение снов многих, и во многом молвении знайдуется безумие.
5:3 Слюбил ли еси что господу богу, не замешкай исполнити, понеже не любится ему неверное и немудрое слюбование. Но что ж когда слюбуеш, исполни,
5:4 многым бо ест меншее злое не слюбовати, нежели слюбивши, не исполнити.
5:5 Не выдавай уст твоих, дабы согрешило тело твое, и ниже глаголи пред Ангелом: "несть презрения". Да не когда разгневается бог на слова твоя, и распрашить вся дела рук твоих.
5:6 Где много ест снов, ту много ест суеты и слов без числа, ты же бойся господа бога.
5:7 Узриш ли насилие убогих и несправедливые суды, и превращение правды на земли. Не дивися таковой речи: понеже над высоким еще ест вышший, и над тыми также еще суть иные вышшие,
5:8 над тые же царь всея земли владеющий, ему жь то служать.
5:9 Сребролюбець не насытится пенязей, и кто милуеть богатество, сей не возметь ужитку с него, сего ради и в том ест суета.
5:10 Где ест многое имение, тамо суть мнози и тые, они же ядять е. И что ж ест помощно тому, он же владееть имением, токмо иже гледит на не очима своима?
5:11 Сладок ест сон человеку делающему, бы пак много или мало изъел, сытость же богатого не даеть спати ему.
5:12 Ест и иная болесть велми злая, юже видял есми под солнцем. Богатество соблюденое ко злому господина своего,
5:13 понеже загинеть в мучении великом. Породил сына, он же в найболшей нищете будеть.
5:14 Яко вышел ест наг из чрева матери своея, тако ся и паки навратить, и ниже возметь с собою что от трудов своих.
5:15 Бедна ест сия всем болесть, понеже яко пришол на свет, тако и отходить. Протож что ест помощно тому, он же трудился якобы на ветр,
5:16 по вся дни живота своего, ядяше во тмах и во печаловании многом и в беде и в засмущении?
5:17 И сего ради тое ми ся мнело быти добро, абы ел и пил каждый и поживал в радости роботы своея. Еже трудился ест под солнцем, в числе дней живота своего, еже дал ест ему бог, и то ест доля его.
5:18 И каждому человеку, ему же дал ест бог имение и богатество, силу теже дал ему, абы поживал добра и доли своея и дабы радость имел з роботы своея, то ест дар божий.
5:19 Понеже немного воспоминати будеть дней живота своего, прото иже бог занепразнил коханием сердце его.
Иже пред господем богом празно не имамы слюбовати, а слюбивши, имамы полнити. Во сны не веровати, бога ся бояти, кривды иным не чинити, а сребра не любити.
5:1 Не глаголи ничего злосмелого, и да не будеть сердце твое скоро к молвению слов пред господем богом. Бог убо на небесех, а ты на земли, и протож да будеть скромна реч твоя.
5:2 По многом печаловании бываеть видение снов многих, и во многом молвении знайдуется безумие.
5:3 Слюбил ли еси что господу богу, не замешкай исполнити, понеже не любится ему неверное и немудрое слюбование. Но что ж когда слюбуеш, исполни,
5:4 многым бо ест меншее злое не слюбовати, нежели слюбивши, не исполнити.
5:5 Не выдавай уст твоих, дабы согрешило тело твое, и ниже глаголи пред Ангелом: "несть презрения". Да не когда разгневается бог на слова твоя, и распрашить вся дела рук твоих.
5:6 Где много ест снов, ту много ест суеты и слов без числа, ты же бойся господа бога.
5:7 Узриш ли насилие убогих и несправедливые суды, и превращение правды на земли. Не дивися таковой речи: понеже над высоким еще ест вышший, и над тыми также еще суть иные вышшие,
5:8 над тые же царь всея земли владеющий, ему жь то служать.
5:9 Сребролюбець не насытится пенязей, и кто милуеть богатество, сей не возметь ужитку с него, сего ради и в том ест суета.
5:10 Где ест многое имение, тамо суть мнози и тые, они же ядять е. И что ж ест помощно тому, он же владееть имением, токмо иже гледит на не очима своима?
5:11 Сладок ест сон человеку делающему, бы пак много или мало изъел, сытость же богатого не даеть спати ему.
5:12 Ест и иная болесть велми злая, юже видял есми под солнцем. Богатество соблюденое ко злому господина своего,
5:13 понеже загинеть в мучении великом. Породил сына, он же в найболшей нищете будеть.
5:14 Яко вышел ест наг из чрева матери своея, тако ся и паки навратить, и ниже возметь с собою что от трудов своих.
5:15 Бедна ест сия всем болесть, понеже яко пришол на свет, тако и отходить. Протож что ест помощно тому, он же трудился якобы на ветр,
5:16 по вся дни живота своего, ядяше во тмах и во печаловании многом и в беде и в засмущении?
5:17 И сего ради тое ми ся мнело быти добро, абы ел и пил каждый и поживал в радости роботы своея. Еже трудился ест под солнцем, в числе дней живота своего, еже дал ест ему бог, и то ест доля его.
5:18 И каждому человеку, ему же дал ест бог имение и богатество, силу теже дал ему, абы поживал добра и доли своея и дабы радость имел з роботы своея, то ест дар божий.
5:19 Понеже немного воспоминати будеть дней живота своего, прото иже бог занепразнил коханием сердце его.
