Заўвагі і сухі астатак

[miram]

1. Кандыдаты НЕ ўвайшлі ў Дом ураду. Як толькі яны заявілі, што хочуць туды ісьці дзеля перамоваў з уладамі, адразу кінулася група немаведама каго з жалязякай крышыць дзьверы.

2. У Доме ўраду амапу было поўна -- на кожным паверсе, шчыт да шчыта. Зламіць такую абарону -- задача нетрывіяльная. Але наўрад ці невыканальная.

3. Дагэтуль, здаецца, пасьля 1944 г. ніхто і ніколі ў Менску не спрабаваў рэальна штурмаваць урадавыя будынкі. Зараз гэтае табу парушана -- і неба на зямлю ня ўпала. Правакатары, якія білі шыбы і дзьверы, выпусьцілі джына: цяпер штурм урадавых будынкаў уведзены ў палітычную практыку.