Лытдыбр: учора

Забраў працоўную кніжку. Цяпер беспрацоўны па ўсёй форме.

Адаслаў два лісты "сьлімаковай поштай", як кажуць мурлюканцы. Сто гадоў з ёю ня зьвязваўся. Спадабалася. Яшчэ хачу. Прыгожых марак, даражэйшых за 1000, не знайшлося, таму імі па паўканвэрта пазаклейваў. Паштоўкі з відамі беларускіх гарадоў -- вялікая рэдкасьць. Шукаў нешта пра Пінск, знайшоў толькі адну з новазбудаванай там царквою.

Купіў маме насьценны каляндар па-беларуску. З відамі Менску. Ня памятаю, калі апошні раз бачыў такое дзіва. Побач віселі яшчэ два тае ж фірмы, у тым жа дызайне, але з іншымі сюжэтамі (прырода) і па-расейску.