Фотодокумент

Простокваша-людоед (@ steinkrauz)

Еклесиастес царя Саломона: Глава 2

Глава 2

Иже во великом кохании, и во избытнем и безъпотребном ставлении домов и огородов, и во собирании многых слуг и скаръбов ест суета. Теже о единаковом конци всех людей.

2:1 Рекох я в сердци своем: пойду и наполнюся любых речей и поживу добра. И узрел есми, ано и то теже ест суетно.
2:2 Смех имнел есми быти во блуду место, и веселию рекох: что всуе смущаеши?
2:3 Умыслил есми был в сердци своем, абы вина не поживало тело мое, дабых разум мой обратил к мудрости и дабых выстерегся от безумия, покуле бых не познал, что бы было ужиточно сыном человеческим. Тое учинивши потреба ест под солнцем числа дней живота их.
2:4 Розвеличил есми дела своя: наделал есми собе домов, садил есми винограды,
2:5 учинил есми собе огороды и сады, и насадил есми е от всякого плоду древием,
2:6 и наделал есми собе рыбников, абых напоил лес древа плодовитаго,
2:7 добыл есм собе слуг и служебниць, и имел есми челядь великую, скот теже и стада великая овець, более нежели всех, они же были суть предо мною во Ерусалиме.

2:8 Собрал есми собе сребро и злато, и богатества царьская и земъская. Наделал есми собе певцев и певницей, и кохания сынов человеческых: кубкы и конве златые, ко службе и к наливанию вина.

2:9 И превышил есми богатеством всех тых, которыи ж были суть предо мною во Ерусалиме. Мудрость теже пребываше со мною.
2:10 И всех речей, их же жадали суть очи мое, не возбранил есм има. И ни заборонивал есм сердцу моему, абы не учинило собе по воли во всяком кохании. Дабы веселилосе со всего наготованного ему. И то есми покладал за долю мою, егда бых поживал роботы моея.
2:11 И вънегда обратихся ко всем делом моим, яже суть учинили руце мое, и ко трудом моим, в них же всуе трудихся даже до поту, узрел есми во всех речах суету и утиснение духово, а иже несть ничто же вечного под Солнцем.
2:12 Обратился есми согледати мудрость и блуды и вилование. И рекл есм: и что ест человек, абы могл спостигнути Царя сотворителя своего?
2:13 И узрел есм, иже так много пресягаеть мудрость над глуповъство, яко много делится светло от темности.
2:14 Мудраго человека очи суть во главе его, глупый же во тмах ходить. И познал есми, иже обоею их ест единаковая погибель.
2:15 И рекох в сердци моем: понеже единаковый ест конець глупаго, яко и мой, и что ж ми то помощно ест, ижех ся я более мудрости учил? И розмышлял есми с душею своею, иже и то теже была бы суета.
2:16 Понеже не будеть памяти мудраго и глупаго вовеки, и будущие часы вси речи заровно прикриють запоменутием. Умираеть наученый теже заровно, яко и ненаученый.
2:17 Сего ради стошнило ми ся в животе моем, видечи все злые речи под Солнцем и всю суету и утиснение духово.
2:18 Опять омерзела ми вся пилность моя, ею же под солнцем найпилней трудихся, абых могл имети наследника по собе.
2:19 Его же не знаю, ани ведаю, будеть ли мудрый или безумный по мне, и владети ли будеть всем имением моим, его же есми з великим трудом и працею даже до упочения добыл. Ани же ест над тое болшее суеты.
2:20 И для того перестал есми, и не хотело сердце мое более тружатися под Солнцем.
2:21 Понеже аще ли кто трудится в мудрости, в научении и в печали, и потом человеку празнующему оставить тое, чего добыл ест, того ради и то ест суета и великое злое.
2:22 И что помощно ест человеку со всего труду своего и с утиснения души его, еже под Солнцем мучился ест?
2:23 Вси бо дни его праце и беды полны суть, и ниже в ночи мысль его отпочинеть, и то теж чи не суета?
2:24 Еда ли не лепей ест ясти и пити, и чинити души своей добро з роботы своея, и то теже ест от руки божией:
2:25 кто тако будеть жрати и в кохании пребывати, яко я?

2:26 Человеку доброму у обозрении его дал ест ему бог мудрость и умение и радость, грешному же дал ест печаль и працу збытнюю, абы прикладал и збирал, и дано будет тому, он же ся любить богу. Но и то ест суета и празное печалование души.