Faites des perruques, maître André

[miram]

А.Дынько на "Свабодзе":

(Міхалюк: ) “[...] Як вядома, ува Францыі моладзь пратэстуе ў сувязі з праблемамі працаўладкаваньня. А тут выступіла й наша беларуская моладзь. Але чаму яна апынулася без падтрымкі палітычных лідэраў?”

(Дынько: ) “Адчуваецца, што вы задаяце пытаньне з Рыгі – каб зь Менску, то не пыталіся б”.

(Міхалюк: ) “Чаму?”

(Дынько: ) “Таму што гэты выступ быў арганізаваны нашымі палітычнымі лідэрамі. Гэта Мілінкевіч заклікаў да гэтага выступу. Гэта ён заклікаў людзей выйсьці на Плошчу”.

(Міхалюк: ) “Так, але калі ўсё ўжо адбылося!”

(Дынько: ) “Вы тут памыляецеся. Паглядзіце, як у Францыі арганізоўваюцца маніфэстацыі: [...]

Пакажыце яму хто-небудзь "Сакавіцкія дзёньнікі", калі ласка. Можна па-ўкраінску.

(У адказах уражвае беспрадметнасьць. Слухач просіць даць прагноз: будуць гайкі закручваць ці адкручваць? Д. адказвае: нас чакае змаганьне, якога нельга спыняць; дамагчыся нічога нельга, але калі-небудзь усё само лясьне. Бацька арыштаванага Цімафея Дранчука пытаецца: чым дапамагчы вязьням? Д. адказвае: трэба памагаць нявестцы і гадаваць унука. Алесь Белы пытаецца: якія каштоўнасьці робяць з нас і таварышаў у цывільным адну нацыю; Д. адказвае: "Мы ўсе – беларусы. Мы адна нацыя. Мы выхоўваемся ў адной маралі", і прапануе амапаўцам, якіх штурхаюць на незаконныя дзеяньні, мяняць працу. І г.д.

Гэта можна было б зразумець у духу вядомага тосту: "Дык вып'ем за посьпех нашае безнадзейнае справы!", але дзе тая справа? Гэта можна было б зразумець у духу Аляксандра Ўласава: "Усё будзе добра, толькі ня трэба нічога рабіць", але дзе тое добра? Людзі пытаюцца, што ім рабіць, адказ: цярпець.)

Comments

[dimaidr.livejournal.com]

сапраўды Дынько часам не зусім разумее сваю "моц", і ўпадае ў песымізм, і можа нават пераводзіць стрэлкі, але ен добры хлопец. такі перавод можа значыць тое, што ён жадае данесці думку - трэба змагацца. сумняваюся, што ён можа значыць тое, што Дынько не разумее сітуацыі, якая склалася.
і ен бачыў Сакавіцкія дзеннікі. Дарэчы мне яны, напрыклад, наогул не падабаюцца якраз сваім песымістычным настроем.

[miram.livejournal.com]

Калі Д. бачыў "Сакавіцкія дзёньнікі", а сказаў, што выступ моладзі "быў арганізаваны нашымі палітычнымі лідэрамі" -- то ён не зразумеў або дзёньнікаў, або пытаньня.

Мне тут сапраўды бачыцца нейкая неадэкватнасьць. Гэтаксама як на мітынгу ў Купалаўскім скверы 25.03 -- дагэтуль зграбаю з вушэй лапшу локшыну, навешаную тады.

[dimaidr.livejournal.com]

ня ведаю на самой справе, што казаў Дынько, але выступ 19 сакавіка і быў арганізаваны палітычнымі лідэрамі.

[dimaidr.livejournal.com]

"што" маецца на ўвазе "аб чым"

[miram.livejournal.com]

То мы пра рознае. Быў выступ 19 сакавіка. Яго сапраўды арганізавалі лідэры. Яны ж яго і распусьцілі. Называць яго выступам моладзі не выпадае: там усіх узростаў хапала. Мітынг 20 сакавіка -- працяг мітынгу 20-га -- таксама быў арганізаваны імі ж. І быў бы гэтаксама імі ж распушчаны, каб не ініцыятыва беспартыйнай моладзі, якая нечакана для ўсіх паставіла намёты.

Вось з гэтай ініцыятывай ні ўлады, ні лідэры ня ведалі, што рабіць. Першапачаткова, відаць, меркавалася спусьціць усё за тыдзень на тармазах, а тут пайшло на абвастрэньне; адцурацца ад такой падтрымкі сябе лідэры не маглі, стаць на чале -- не хацелі. Урэшце прыйшоў лясьнік і ўсіх выгнаў.

[2bicycle2.livejournal.com]

Выбачайце за ананімнасьць, я не ЛЖ-юзэр. Вашыя зьвесткі не адпавядаюць рэчаіснасьці. У штабе Мі 20-га было пастаноўлена арганізаваць бястэрміновую акцыю. За гэтае рашэньне актыўна агітавалі Янукевіч (БНФ) і сам Мі.

Гэта праўда, што частка штабістаў па-сутнасьці "зьліла" ў той дзень, але ёсьць і прыклад таго ж Янукевіча, які ды-джэіў палову ночы ў гарадку пакуль ня быў арыштаваны, ды й сам Мі, даволі адказна сябе паводзіў, хаця ўжо быў хворы. Асабістай прысутнасьцю, канечне ж, справа не вычарпалася - генэратар напрыклад, ня зь неба зваліўся.

У прынцыпе, меркаваньне пра абсалютную стыхійнасьць пратэсту на плошчы, такое ж памылковае, як і прыпісваньне ўсіх заслугаў паліт.лідэрам.

Праўда пасярэдзіне.

/АЧ

[2bicycle2.livejournal.com]

то бок, не зусім ананімнасьць, проста зь не свайго рахунку пішу

[miram.livejournal.com]

адказваю 2АЧ:
http://miram.livejournal.com/427411.html?thread=1231507#t1231507

[miram.livejournal.com]

Як тады вы патлумачыце наступнае паведамленьне (http://www.gzt.ru/world/2006/03/22/211914.html) (датавана 22, апублікавана 23 сакавіка)?

Комментируя случившееся, пресс-секретарь Александра Милинкевича Павел Можейко пояснил «Газете», [...] Вообще, как отметил Можейко, палаточный городок возник стихийно, ни Милинкевич, ни Козулин его не организовывали, [...]

Вашыя ініцыялы мне, на жаль, нічога ня кажуць.

[(Anonymous)]

Калі чытаць артыкул цалкам, а ня толькі пададзеную цытату, то пытаньне здымаецца. Мажэйка выставіў канкурэнта свайго шэфа дурнем, карыстаючыся ўжо складзенай на той момант легендай.

Аляксей Чар-ў. Прывітаньне Мікола!

[(Anonymous)]

Зрэшты, ён меў рацыю, калі казаў, што распусьціць гарадок ня мог ні К., ні М. Бо пасьля таго, як першыя намёты былі ўсталяваныя, працэс ішоў сам сабою.

Я - каб усё было ясна - не сьцьвярджаю, што М. якімсьці чынам кіраваў акцыяй. Але дакладна ведаю, што да зьяўленьня намётавага мястэчку актыўна рыхтаваліся ня толькі адасобленыя індывіды, але й самыя розныя арганізацыі палітычнай апазыцыі, сярод якіх і здаровая частка штабу. Проста суб'екты гэтага працэсу дзейнічалі паасобку, без узгадненьня, таму цяпер у кожнага будзе свая вэрсія наконт таго, хто першы адкрыў Амэрыку. Насамрэч, ніхто не адкрыў, бо пасьля ўкраінскага майдану намёты ў Менску не маглі ня быць пастаўленыя.

Усе жадаючыя проста сышліся ў патрэбны час у адным месцы. То бок, у некаторым сэнсе так, стыхія. Але "старая" генэрацыя актывістаў не была пасіўнай часткай, "негатовай да падзеяў".

[miram.livejournal.com]

Сітуацыя пачынае нагадваць ленінскае бервяно на суботніку.

У тым,што ты кажаш, самае цікавае -- дата 20 сакавіка:

У штабе Мі 20-га было пастаноўлена арганізаваць бястэрміновую акцыю. За гэтае рашэньне актыўна агітавалі Янукевіч (БНФ) і сам Мі.

Вынікае, што яшчэ 19-га такіх планаў не было, і, склікаючы людзей цягам кампаніі на плошчу, М. не разьлічваў, што там нехта заначуе. Няясна, што пасьпеў штаб зрабіць, каб зьдзейсьніць сваю пастанову (тут ужо задаешся пытаньнем, а каторай гадзіне яна была прынята).

Далей мы маем згодныя заявы з абодвух штабоў, што намётавішча ўзьнікла стыхійна. Калі я цябе слушна зразумеў, ты кажаш, што Мажэйка схлусіў, каб выставіць К. дурнем; у такім разе няясна, навошта гэта было патрэбна (любая грызьня толькі адбаўляе павагі да ўсіх удзельнікаў, хлусьня пагатоў), але па-любому ўсе гэтыя тактычныя расклады забыліся ўжо праз тыдзень, а слова -- не верабей. Сам М. таксама казаў людзям у намётавішчы, што гэта ён да іх далучаецца.

Вэрсія пра стыхійнасьць, як на мой розум, нашмат выгаднейшая для М., чым вэрсія, што гэта ўсё было арганізавана ім або ягоным штабам: ён жа хацеў падтрымкі зьнізу -- вось яна.

Мае крыніцы ўскосна пацьвярджаюць твае словы пра некалькі незалежных асяродкаў, адкуль людзі прыйшлі на плошчу з намётамі паасобку. Якая ў гэтым была роля штабоў -- пытаньне адкрытае.

[miram.livejournal.com]

чытай: "працяг мітынгу 20-га 19-га".

[syarzhuk.livejournal.com]

Уласаў - гэта была галава...
http://syarzhuk.livejournal.com/287446.html

[(Anonymous)]

З кантэнтам месцамі пуставата, але аўдыё-афармленьне і фармат проста шыкоўны. Слухалася выдатна. Я лічу ў радыйным пляне гэта была найлепшая перадача за апошнія месяцы.

Праблема ў тым, што ў Дынька не было шмат часу для роздуму, таму ён ў цэйтноце месцамі адказваў стандартнымі штампамі ці вось так, як ты тут цытуеш.

br23.net

[miram.livejournal.com]

Ну, даслоўна цытую я толькі тое, што ў двукосьсях.

А наконт аўдыё-афармленьня і фармату... ведаеш, калі я слухаў "галасы", у тым ліку "Свабоду", праз глушылкі, -- пра гэта неяк ня думалася.

[(Anonymous)]

З 18:00 да 24:00 над галоўнай навіной вісіць кнопка "слухай". І ніякіх "галасоў" пад падушкамі. :)

[miram.livejournal.com]

Дык нашто трафік марнаваць, калі з кантэнтам пуставата? :)

[zajac.livejournal.com]

таму што ты лепей не сказаў, таму што я лепей не сказаў і г.д. ня бог, ня цар і не герой. што можам, тое й робім.

Simulated Diamond Engagement Rings

[(Anonymous)]

brrfqpohbqccxkq [url=http://tinyurl.com/makeityourring]makeityourring diamond engagement rings[/url] TrFplzes