Еклесиастес царя Саломона: Глава 7
May. 16th, 2007 05:39 am![[personal profile]](https://www.dreamwidth.org/img/silk/identity/user.png){kind=small}
miramГлава 7
Иже не годится людем искати болших и вышших речей над чин свой, и что собе болей имають выбрати и от чего отдалятися. От гневу имамы воздержатися. От дня злого стеречися. О жене, еже ест горшая над смерть, а иже несть никтоже добр, токмо един Христос.
7:1 Что ж ест потреба человеку согледати вышшихъ речей, нежели ест сам? Понеже не весть, что пригодится ему в животе его, в числе дней жития его, и час яко стень поминуеть. Или кто можеть ему указати, что по нем имаеть быти под солнцем?
7:2 Лепши ест имя доброе, нежели масти драгые, и день смерти -- дня нарожения.
7:3 Лепей ест ити в дом плачу, нежели в дом пирования, в дому бо плачу конець всех людей воспоминается, и жив сый человек помыслить, что будеть прийдущего.
7:4 Лепъший ест гнев, нежели смех, понеже для смутнаго лица гневающегося наказуется мысль грешащего.
7:5 Сердце людей мудрых ту, где же ест печаль, сердце же безумных ест ту, где веселие.
7:6 Лепши ест от мудраго карану быти, нежели шаленых людей похлебъством прельщену быти.
7:7 Яко бо трескание теръновых дров под котлом, тако и смех безумнаго, но и то ест суета.
7:8 Кривда засмущаеть мудраго, и стратить вдатность сердца его.
7:9 Лепъший ест конець молитвы, нежели початок. Лепъший ест муж терпеливый, нежели упрямый.
7:10 Не бывай скорый к розгневанию, понеже гнев в лоне безумнаго отпочиваеть.
7:11 Не говори того, чему то ест, иже первыи лета были лепшие, нежели нине суть, понеже немудро ест таковое пытание.
7:12 Ужиточнейша ест мудрость с богатеством, и более помощно ест тым, они же видять солнце.
7:13 Зане же яко хранить человека мудрость, тако теже хранить и богатество. Но тое более имать наука и мудрость, иже живот даеть имеющему е.
7:14 Подивуйся делом божиим, иже никто не можеть направити того, кого он завергл.
7:15 В день добрый поживай добрых речей, и от злого дня выстерегайся. Понеже яко той день, тако и он бог сотворил ест: абы не знашол человек против ему справедливых жалоб.
7:16 Тые то теже речи видел есми во днех суеты своея: справедливый человек гинеть у своей справедливости, грешник же много лет жив ест во своей злости.
7:17 Не бывай назбыт праведен, и ниже болей смышляй над потребу свою, абы з розуму не выпал.
7:18 Не чини велми немилостиве, и не бывай глуп, абы не умер не своим часом.
7:19 Добро ест тобе помочи справедливому, и от него не отторгай руки твоея, понеже боящийся бога ничего не замешкаеть.
7:20 Мудрость укрепила мудраго паче десяти князей града.
7:21 Несть воистинну человека праведнаго на земли, он же бы чинил добре и к тому не грешил.
7:22 Теже и ко всем словам, еже глаголются, не прикладай сердца твоего, абы есь не услышал раба твоего, а он лаеть тобе.
7:23 Весть убо сердце твое, иже и ты часто крат злоречил иным.
7:24 Всего есми искусил мудростию, и рекох: "буду мудрый", ано пак мудрость далей отступила от мене.
7:25 Многым более, нежели прежде была, и великая глубина, и кто знайдеть ея.
7:26 Пребег есми вси речи разумом моим, хотя зведати и знаменати и знайти мудрость и разум. И дабых познал немилосерьдие безумнаго и блуд немудрых.
7:27 И знашол есми жену горчейшую, нежели смерть, она же сило ловцево ест. И якобы вирша ест сердце ея, и руце ея суть оковы. Кто ся любить богу, той ся ея выстережеть, але кто грешный ест, той нят будеть от нея.
7:28 Се тое толико знашол есми, поведел Соборник, и другое, абых знашол разум,
7:29 его же еще ищеть душа моя, и не знашол есм. Мужа единаго от тысещи знашол есми, жены же от всех не знашол есми.
7:30 Толико тое знашол есми, иже бог учинил ест человека правого, он же пак сам уплелся в загадки безчисленые. Кто таковый ест, яко мудрый, и кто познал ест отповедь слова?
Иже не годится людем искати болших и вышших речей над чин свой, и что собе болей имають выбрати и от чего отдалятися. От гневу имамы воздержатися. От дня злого стеречися. О жене, еже ест горшая над смерть, а иже несть никтоже добр, токмо един Христос.
7:1 Что ж ест потреба человеку согледати вышшихъ речей, нежели ест сам? Понеже не весть, что пригодится ему в животе его, в числе дней жития его, и час яко стень поминуеть. Или кто можеть ему указати, что по нем имаеть быти под солнцем?
7:2 Лепши ест имя доброе, нежели масти драгые, и день смерти -- дня нарожения.
7:3 Лепей ест ити в дом плачу, нежели в дом пирования, в дому бо плачу конець всех людей воспоминается, и жив сый человек помыслить, что будеть прийдущего.
7:4 Лепъший ест гнев, нежели смех, понеже для смутнаго лица гневающегося наказуется мысль грешащего.
7:5 Сердце людей мудрых ту, где же ест печаль, сердце же безумных ест ту, где веселие.
7:6 Лепши ест от мудраго карану быти, нежели шаленых людей похлебъством прельщену быти.
7:7 Яко бо трескание теръновых дров под котлом, тако и смех безумнаго, но и то ест суета.
7:8 Кривда засмущаеть мудраго, и стратить вдатность сердца его.
7:9 Лепъший ест конець молитвы, нежели початок. Лепъший ест муж терпеливый, нежели упрямый.
7:10 Не бывай скорый к розгневанию, понеже гнев в лоне безумнаго отпочиваеть.
7:11 Не говори того, чему то ест, иже первыи лета были лепшие, нежели нине суть, понеже немудро ест таковое пытание.
7:12 Ужиточнейша ест мудрость с богатеством, и более помощно ест тым, они же видять солнце.
7:13 Зане же яко хранить человека мудрость, тако теже хранить и богатество. Но тое более имать наука и мудрость, иже живот даеть имеющему е.
7:14 Подивуйся делом божиим, иже никто не можеть направити того, кого он завергл.
7:15 В день добрый поживай добрых речей, и от злого дня выстерегайся. Понеже яко той день, тако и он бог сотворил ест: абы не знашол человек против ему справедливых жалоб.
7:16 Тые то теже речи видел есми во днех суеты своея: справедливый человек гинеть у своей справедливости, грешник же много лет жив ест во своей злости.
7:17 Не бывай назбыт праведен, и ниже болей смышляй над потребу свою, абы з розуму не выпал.
7:18 Не чини велми немилостиве, и не бывай глуп, абы не умер не своим часом.
7:19 Добро ест тобе помочи справедливому, и от него не отторгай руки твоея, понеже боящийся бога ничего не замешкаеть.
7:20 Мудрость укрепила мудраго паче десяти князей града.
7:21 Несть воистинну человека праведнаго на земли, он же бы чинил добре и к тому не грешил.
7:22 Теже и ко всем словам, еже глаголются, не прикладай сердца твоего, абы есь не услышал раба твоего, а он лаеть тобе.
7:23 Весть убо сердце твое, иже и ты часто крат злоречил иным.
7:24 Всего есми искусил мудростию, и рекох: "буду мудрый", ано пак мудрость далей отступила от мене.
7:25 Многым более, нежели прежде была, и великая глубина, и кто знайдеть ея.
7:26 Пребег есми вси речи разумом моим, хотя зведати и знаменати и знайти мудрость и разум. И дабых познал немилосерьдие безумнаго и блуд немудрых.
7:27 И знашол есми жену горчейшую, нежели смерть, она же сило ловцево ест. И якобы вирша ест сердце ея, и руце ея суть оковы. Кто ся любить богу, той ся ея выстережеть, але кто грешный ест, той нят будеть от нея.
7:28 Се тое толико знашол есми, поведел Соборник, и другое, абых знашол разум,
7:29 его же еще ищеть душа моя, и не знашол есм. Мужа единаго от тысещи знашол есми, жены же от всех не знашол есми.
7:30 Толико тое знашол есми, иже бог учинил ест человека правого, он же пак сам уплелся в загадки безчисленые. Кто таковый ест, яко мудрый, и кто познал ест отповедь слова?
![[identity profile]](https://www.dreamwidth.org/img/silk/identity/openid.png){kind=small}
no subject
Date: 2007-05-16 08:21 am (UTC)Саламандрический такой текстович. В огне не горит. Наеврняка. От тож така людина была,
смысла в жызни не бычыла, а Храм строила.
А есть ли привод Эклиссиаста на мову?
no subject
Date: 2007-05-16 10:26 am (UTC)no subject
Date: 2007-05-16 02:06 pm (UTC)