Еклесиастес царя Саломона: Глава 9
Aug. 7th, 2007 03:52 am![[personal profile]](https://www.dreamwidth.org/img/silk/identity/user.png){kind=small}
miramГлава 9
Иже никто не весть, естъли милости или ненависти божией годен ест. Несть человека, он же бы всегда жив был, а всегда имамы добрые дела чинити. Иже конца своего жадный не ведает, и о человеце убогом а мудром поведает.
9:1 Суть справедливии и мудрыи, и дела их в руце божией. А не весть человек, естъли годен милости божией чили ненависти,
9:2 но вси речи к будущему часу сокрыты суть неи сведомы. Прото иже вси речи заровно ся пригожають справедливому и несправедливому, доброму и злому, чистому и нечистому. Тому, он же приносить жертвы, и тому, он же гордить посвящеными жертвами. Яко праведник, тако и грешник, яко кривоприсяжник, тако и правдумолвный.
9:3 То ест найгоршее межи всеми речми, еже бывають под солнцем, иже тые ж речи всем пригожаются. И сего ради сердца сынов людьскых наполнена бывають злостию и гордостию за живота своего, и потом до ада низходять.
9:4 Жадного несть, он же бы всегда жив был, и ни того, он же бы в таковой речи надежу могл имети. Лепший ест пес живый, нежели лев мертвый.
9:5 Понеже тии, они же живи суть, ведять, иже имають умрети, мертвии же ничего более не ведят, и ни имуть к тому мзды, яко во запомянение дана ест паметь их.
9:6 Любов теже и зависть и ненависть вкупе загинуть, и ниже имают части в том свете и в делех, еже ся деють под солнцем.
9:7 Сего для иди а еж во веселии хлеб свой, и пий с радостию вино твое, понеже любятся богу дела твоя:
9:8 По вся часы да будуть белы ризы твоя, и олей з главы твоея да не исходит.
9:9 Поживай утешения с женою твоею, юже милуеш, по вся дни живота неуставичнаго твоего. Еже даны суть тобе под солнцем, во все время суеты твоея. То ест воистинну доля твоя в животе твоем и во тружании, иже трудишся под солнцем.
9:10 Что коли можеть рука твоя, уставичне делай. Понеже ани дело, ани розум, ани умение, ани мудрость будет во исходящих во ад, где же ты идеши со хватанием.
9:11 Обратился есми ко иному и видел есм, ано не ест бег скорых, и ни бой силных, ани мудрых людей хлеб, и ни ученых богатество, и ни мастеров похвала, но едино час и пригода во всих речах.
9:12 Не известь человек конца своего, но яко рыбы удою и птици силом хватаны бывают, тако иманы бывают люди часом злым, внегда на них нагле приидет.
9:13 Тую теже видел есми под солнцем мудрость, искусил есм, иже ест наивышшая.
9:14 Град малый и мало мужей в нем, и пришол ест к нему царь силный, и облегл и, и наделал около его валов всюду, и доконано ест обляжение.
9:15 И знайден ест в том граде муж мудрый а убогый, и избавил ест град той мудростию своею, и никто же потом не воспомянул ест на человека того убогаго.
9:16 И аз глаголал, иже лепшая ест мудрость, нежели сила: и якож тогда мудрость убогаго оповержена ест, и слова его не суть услышаны.
9:17 Слов мудрых людей послухай с молъчанием, болей, нежели крику князя межи безумными.
9:18 Лепшая ест мудрость, нежели оружия военная. И кто в едином грешить, сей много добраго потратить.
Иже никто не весть, естъли милости или ненависти божией годен ест. Несть человека, он же бы всегда жив был, а всегда имамы добрые дела чинити. Иже конца своего жадный не ведает, и о человеце убогом а мудром поведает.
9:1 Суть справедливии и мудрыи, и дела их в руце божией. А не весть человек, естъли годен милости божией чили ненависти,
9:2 но вси речи к будущему часу сокрыты суть неи сведомы. Прото иже вси речи заровно ся пригожають справедливому и несправедливому, доброму и злому, чистому и нечистому. Тому, он же приносить жертвы, и тому, он же гордить посвящеными жертвами. Яко праведник, тако и грешник, яко кривоприсяжник, тако и правдумолвный.
9:3 То ест найгоршее межи всеми речми, еже бывають под солнцем, иже тые ж речи всем пригожаются. И сего ради сердца сынов людьскых наполнена бывають злостию и гордостию за живота своего, и потом до ада низходять.
9:4 Жадного несть, он же бы всегда жив был, и ни того, он же бы в таковой речи надежу могл имети. Лепший ест пес живый, нежели лев мертвый.
9:5 Понеже тии, они же живи суть, ведять, иже имають умрети, мертвии же ничего более не ведят, и ни имуть к тому мзды, яко во запомянение дана ест паметь их.
9:6 Любов теже и зависть и ненависть вкупе загинуть, и ниже имают части в том свете и в делех, еже ся деють под солнцем.
9:7 Сего для иди а еж во веселии хлеб свой, и пий с радостию вино твое, понеже любятся богу дела твоя:
9:8 По вся часы да будуть белы ризы твоя, и олей з главы твоея да не исходит.
9:9 Поживай утешения с женою твоею, юже милуеш, по вся дни живота неуставичнаго твоего. Еже даны суть тобе под солнцем, во все время суеты твоея. То ест воистинну доля твоя в животе твоем и во тружании, иже трудишся под солнцем.
9:10 Что коли можеть рука твоя, уставичне делай. Понеже ани дело, ани розум, ани умение, ани мудрость будет во исходящих во ад, где же ты идеши со хватанием.
9:11 Обратился есми ко иному и видел есм, ано не ест бег скорых, и ни бой силных, ани мудрых людей хлеб, и ни ученых богатество, и ни мастеров похвала, но едино час и пригода во всих речах.
9:12 Не известь человек конца своего, но яко рыбы удою и птици силом хватаны бывают, тако иманы бывают люди часом злым, внегда на них нагле приидет.
9:13 Тую теже видел есми под солнцем мудрость, искусил есм, иже ест наивышшая.
9:14 Град малый и мало мужей в нем, и пришол ест к нему царь силный, и облегл и, и наделал около его валов всюду, и доконано ест обляжение.
9:15 И знайден ест в том граде муж мудрый а убогый, и избавил ест град той мудростию своею, и никто же потом не воспомянул ест на человека того убогаго.
9:16 И аз глаголал, иже лепшая ест мудрость, нежели сила: и якож тогда мудрость убогаго оповержена ест, и слова его не суть услышаны.
9:17 Слов мудрых людей послухай с молъчанием, болей, нежели крику князя межи безумными.
9:18 Лепшая ест мудрость, нежели оружия военная. И кто в едином грешить, сей много добраго потратить.
![[identity profile]](https://www.dreamwidth.org/img/silk/identity/openid.png){kind=small}
no subject
Date: 2007-08-07 03:18 am (UTC)no subject
Date: 2007-08-07 05:15 am (UTC)no subject
Date: 2007-08-07 05:39 am (UTC)no subject
Date: 2007-08-07 07:01 am (UTC)no subject
Date: 2007-08-07 07:09 am (UTC)А если про стиль, то Вульгата здесь гораздо ближе к нашим болотам, понеже мы все учились по Псалтири, а в Европах уже была светская литература и язык такожде.
no subject
Date: 2007-08-07 08:26 pm (UTC)no subject
Date: 2007-08-08 02:51 am (UTC)no subject
Date: 2007-08-08 10:54 pm (UTC)no subject
Date: 2007-08-07 06:12 am (UTC)Вполне по-белорусски так. :)
no subject
Date: 2007-08-07 07:04 am (UTC)no subject
Date: 2007-08-07 06:41 am (UTC)Именно "чили" -- "чи" + "или"?
no subject
Date: 2007-08-07 07:07 am (UTC)no subject
Date: 2007-08-07 01:00 pm (UTC)no subject
Date: 2007-08-07 08:30 pm (UTC)