Сэмінар у ПЭН-цэнтры

[miram]

У Сб. быў у ПЭН-цэнтры на сэмінары пра экспэртызы ў ісках пра абарону гонару і годнасьці.

1. Дзяржаўныя ўстановы ў нас ня могуць падаваць іскі супроць газэт. Як у Расеі, але ў адрозьненьне ад Казахстану.

2. Паводле нашых законаў, для суду няважна, ад свайго імя журналіст паведамляе зьвесткі ці спасылаючыся не нечае меркаваньне, чуткі і г.д. Усіх гэтых паняцьцяў у заканадаўстве няма. Ёсьць толькі зьвесткі, якія ганьбяць гонар і годнасьць. Адно што яны могуць быць праўдзівыя альбо не.

3. Беларускі ПЭН-цэнтар быў створаны ў 1989 годзе пастановаю Савету Міністраў.

4. Тое, што ў расейскіх перакладах Маркса гучыць як отбросы общества, у арыгінале было Scheise der Gesellschaft.

5. З Ліцэю сышлі ўсяго 3-4 выкладчыкі. Заняткі працягваюцца, дзеці гойсаюць па горадзе, каб пасьпець з уроку на ўрок, бо ўсё ў розных месцах. Адкалоліся ліцэісты з па-за Менску (няма дзе жыць).
UPDATE: прынамсі некаторыя няменскія вучацца дагэтуль.

6. Aquis communautaire -- ня мёд, але пакуль сам гэты выраз патрабуе перакладу, зьдзяйсьненьне лёзунгу пра рознанакіраваны рух Эўропы і Л. нам ня грозіць.

Comments

[bielarusaczka.livejournal.com]

няпраўда. ліцэісты зь іншых гарадоў не адкалоліся(дэзінфармацыя:). да нас дагэтуль езьдзяць людзі з розных фаніпаляў, сокалаў, гатава і інш. :)

[miram.livejournal.com]

Дзякуй, удакладнена :)

[bielarusaczka.livejournal.com]

ура! :)

Hm...

[rydel23.livejournal.com]

> Тое, што ў расейскіх перакладах Маркса гучыць як отбросы общества, у арыгінале было Scheise der Gesellschaft.

Are you sure? U tvaim spellingu - uvohule nivodnaj staronki. Kali napisac "Scheiße", to znachhodzicca tolki adna staronka:

http://www.google.com/search?q=%22Schei%C3%9Fe+der+Gesellschaft%22&ie=UTF-8&oe=UTF-8&hl=be

Re: Hm...

[miram.livejournal.com]

Запісана са словаў Пятра Садоўскага, нашага экс-амбасадара ў Нямеччыне. Так што адказнасьць за зьмест на ім, за арфаграфію -- на мне (улічваючы, што ўяўленьне пра нямецкі правапіс у мяне слабавасьценькае).

Re: Hm...

[rydel23.livejournal.com]

Абодва словы напісаны правільна і зьвязка (genitive feminine - der) правільная. Дык пагэтаму я і напісаў - выглядае, што ў Маркса не было такога.

Re: Hm...

[miram.livejournal.com]

Расьсьледаваць было б забаўна, але я наўрад ці стану турбаваць сп. Садоўскага дзеля дакладнага адрасу таго шайзэ :)

Маўчаньне гугла -- цікавае сьведчаньне, але не канчатковы доказ. Маркс з Энгельсам напісалі цэлыя паліцы, і ня факт, што ўсё гэтае дабро ёсьць у сетцы. Інтэрнэт пачаў шырыцца ў тую пару, калі іхнія ідэі моцна страцілі на папулярнасьці. Прыкладам, поўнага збору твораў Леніна ў сетцы, здаецца, дагэтуль няма (хоць ёсьць ПЗТ Сталіна). А шкада :)