Кружэлка

[miram]

Да гэтай дыскусіі ў gimbear:

1. Слова "кружэлка" ўпершыню зафіксавана ў 19 ст. (слоўнік Насовіча, с. 254, тлумачыцца як "круглый отрезок, округленная дощечка").

2. Калі зьявіліся грамафонныя пласьцінкі, іх таксама сталі называць кружэлкамі.

3. Цяпер вініл ужо амаль гісторыя, а штодзень мы сутыкаемся з кампакт-дыскамі; то назва перайшла і на іх. Можна прадбачыць, што неўзабаве так стануць называць, або ўжо называюць, і DVD.

4. Бачым, што "кружэлка" -- назва не тэрміналагічная, а гутарковая. Як і "кампакт", дарэчы (тэрмін -- "кампакт-дыск").

5. Ідэя пра тое, што "цывілізаваны сьвет" запазычвае ўсю кампутарную тэрміналёгію з ангельскае -- фікцыя. Каб у гэтым пераканацца, дастаткова запусьціць Total Commander і папераключаць мовы інтэрфэйсу. Ня трэба блытаць міжнародную мову зносінаў праграмісцкае прафэсіі (ангельскую) з тэрміналёгіямі паасобных нацыянальных моваў.

Comments

[miram.livejournal.com]

Я сказаў бы "дзівідзі". На тэлебачаньні і на радыё то напэўна так скажуць. Правілы, як вымаўляць па-беларуску англамоўныя абрэвіятуры, мне не трапляліся -- ні ў тарашкевіцы, ні ў наркамаўцы.

Іншае пытаньне, чаму так. "Дзівідзі" мне зручней вымавіць, чым "дывіды", бо ня трэба двойчы пераключаць мяккасьць. Такі сабе сынгарманізм :) А на тэлебачаньні -- паводле традыцыйнай схемы: на расейскае вымаўленьне накладаюцца беларускія фанэтызмы, як дзеканьне-цеканьне і г.д.

Цікава, што скажа rydel23.

[ausvald.livejournal.com]

дзь ды вь маюць розныя ступені мяккасьці, таму ня так ужо й складана. Да таго ж вымавіць "прывіды" так жа сама складана.

[miram.livejournal.com]

Там нюансы ўсякія, з месцам націску і г.д.
А што за ступені мяккасьці?
І, дарэчы, як ты сам вымаўляеш? Ня "лічыш правільным вымаўляць", а рэальна вымаўляеш?

[ausvald.livejournal.com]

Я вымаўляю "дывіды" з націскам на апошні склад. Нават калі па расейску. Толькі першы "ы" цьвярдзейшы за другі. Кшталту "дывіди" (дзе "и" - украінаскае)