Еклесиастес царя Саломона

[miram]

Пачынаю выстаўляць "Эклезіяста", перакладзенага Францішкам Скарынам. Кніга выйшла 2 студзеня 1518 году ў Празе і стала пятай пасля Псалтыра, Іова, Прытчаў Саламона і Ісуса Сірахава.

Асноўны прынцып транслітарацыі -- як найпрасцей. Ніякіх надрадковых значкоў, літары толькі тыя, што ўжываюцца ў сучасным беларускім і расейскім пісьме, словападзел -- па-сучаснаму, пунктуацыя -- таксама, вялікія літары -- таксама, цітлы раскрываюцца, паеркі ігнаруюцца (калі не адпавядаюць канцавому мяккаму знаку), еры канцавыя адкідаюцца, усярэдзіне слова пакідаюцца. Дадаю нумары раздзелаў і вершаў паводле сучасных выданняў (Скарына раздзяляў вершы тлустай кропкай і шырокім прабелам, не нумаруючы). Паралельныя месцы, якія Скарына пазначаў на палях (з дакладнасцю да раздзела, а не да верша, як цяпер), апускаю. Лічбы перадаю арабскімі.

На пачатку кожнага раздзела -- кароткі пераказ зместу, зроблены Скарынам.

Для параўнання:

• "Эклезіяст" па-царкоўнаславянску (PDF 89 Kb);
• ён жа па-расейску, HTML;
• ён жа па-расейску з праваслаўным камэнтаром ("Толковая Библия"), txt, 140 Кб;
• ён жа адразу на трох мовах: кожны верш па-расейску (сінадальны пер.), па-ўкраінску (пер. Агіенкі) і па-ангельску (King James Version);
• ён жа на сучаснай беларускай мове (пер. Васіля Сёмухі), HTML.

UPD: скарынаўскі арыгінал у фотакопіях, via dyak:

• http://memory.rsl.ru/ekkles/001-b.htm
• http://memory.rsl.ru/ekkles/002-b.htm
• http://memory.rsl.ru/ekkles/003-b.htm
• http://memory.rsl.ru/ekkles/004-b.htm
• ...&c.

Comments

[rydel23.livejournal.com]

> прынцып транслітарацыі -- як найпрасцей

Тады ўжо давай нашу і замест и. ;)

> Скарына раздзяляў вершы тлустай кропкай і шырокім прабелам, не нумаруючы

Мой любімы сымбаль - •

І нават ня толькі мой. Вось адзін цудоўны ўкраінскі юзэр 8 лістапада 2004 году вырашыў пісаць • як Скарына. І сапраўды піша ў сваіх запісах замест кропкі гэты Скарынаўскі сымбаль.

[miram.livejournal.com]

Тады ўжо давай нашу і замест и. ;)

Не-а, гэта ўскладніць толькі справу. Як найпрасцей -- значыць, сярод іншага, як найменш зменаў у тэкст. Далей, калі абмежавацца сучаснай беларускай кірыліцай, як быць з "щ"? "ъ"? Далей, тады на кожным кроку з'явяцца дзікія арфаграмы накшталт: "почінается", "рекомая", "еже"... Так крок за крокам прыйдзем да перакладу замест транслітарацыі.

mojsije: сімпатычна, дзякуй за наводку, не бачыў; наконт вялікіх літар, якіх нібыта не было да Пятра -- гэта ён загнуў, глядзі таго ж Скарыну; а ў найдаўнейшых кірылічных помніках тэкст увогуле на словы не дзяліўся -- слабо аднавіць гэты звычай? ;-)

[miram.livejournal.com]

Яшчэ kosilova піша свае мэдытацыі з шырокімі прабеламі замест кропак.

[ultracube.livejournal.com]

Класна. Цікава паглядзець на розніцу.
А дзе можна пабачыць сканы двух кірылічных дакументаў з ВКЛ і Маскоўскага княства аднаго часу?

[miram.livejournal.com]

Розніца (тэкстуальная) будзе вялікая. Наконт сканаў -- не ведаю. Дакументы ВКЛ паспрабуй зірнуць на http://starbel.narod.ru (http://starbel.narod.ru), прынамсі я б пачаў адтуль, але не ведаю, ці што знойдзецца. Пра сканы маскоўскіх дакументаў не маю ніякага ўяўлення.