Abunde kaj redunde

[miram]

Dum lasta paro da semajnoj:

1. Fuŝiĝis kaj estis anstataŭigitaj du aerbendoj (internaj) kaj unu radbendo (ekstera) de la biciklo. Jam post plana riparado kiam estis anstataŭigita kvarono da ĝi.


2. Paneis lampo en antaŭĉambro, dum riparado la lampingo diseriĝis.


3. Eklikis akvokrano, anstataŭigo de gumaĵoj ne sufiĉis, poste evidentiĝis ke la krantubo (“ansero”) profunde krevis; kiam la nova krantubo troviĝis (feliĉe en universala vendejo centre de la urbo anstataŭ ol merkatejo eksterurbe), post instalo ĝi jam ne likis, sed ekfontanis; la aferon savis du aldonaj gumaĵoj demetitaj de la malnova tubo.


4. Forŝiriĝis butono de ĝinzoj, anstataŭigendis.


5. Konjunktivito aperis sur okulo sed estis forpelita per gutoj.


6. Venis informo ke pruntedonita herbofalĉilo paneis pasintjare.


7. Interreto dufoje malaperis sed reestabliĝis post rekonekto de splitilo.

Daŭrigota.

Citaĵo laŭtema:

The time is out of joint: O cursed spite,
That ever I was born to set it right!