Крыніца-2, або пра горкую долю

[miram]

1. Паводле КЗаПу два месяцы звольненыя працаўнікі павінны былі атрымліваць заробак. Адпаведна новая каманда гэты час рабіла на грамадзкіх асновах.
2. Кампутарная, як і абяцалі, адна на ўвесь холдынг (на Захарава). Таму галоўны рэдактар за кожнаю драбязой туды бегае. З картошкі ў бульбу, з бульбы ў картошку.
3. Дырэктарка холдынгу, Таіса Бондар, сёньня нібыта зацьверджана.
4. Чаго яна хоча, сама ня ведае. Рэдакцыя прыносіць ёй тры варыянты макету на выбар.
5. Затое вельмі пільнуе працоўнай дысцыпліны і грозіцца, што як каго больш за тры гадзіны ня будзе на працоўным месцы -- пазвальняе.
6. Сярод матар'ялаў, прынесеных у рэдакцыю апошнім часам -- артыкул нейкага праф. Сьмірнова "Остановить американский неофашизм" і нейкага Іва... забыўся прозьвішча, пад назваю "Плохо пишет Лявон Борщевский". З больш прыстойнага -- Чарота, Лозка, Каржанеўская, Сьвятлана Сачанка... На рэдактарскім стале -- нечае апавяданьне, у першых радках якога сакратар парткаму пасылае людзей на бульбу.
7. Нібыта цяпер матар'ялы з Расеі (напр., Распуціна) альбо пра Расею (напр., пра раскопкі ў Ноўгарадзе, хоць бы аўтар і тутэйшы) будуць друкавацца моваю арыгіналу. А магчыма, што і па-ўкраінску якое апавяданьнейка надрукуюць. Дзеля азнаямленьня.

Comments

Re: агруманты твае зразумелыя

[antanian.livejournal.com]

У ранейшай "Крыніцы" было столькі ж. Дзесьці 500-700

Адкуль будзе ведаць рэдактарка "МЛ", што гэта сапраўды вершы ЛГ, ня ведаю.

Бо па-ідэі, любы з нас, можа надрукаваць любы тэкст за любым подпісам у любым дзіўнаватым часопісе і надалей спасылацца на яго.:)

Re: агруманты твае зразумелыя

[miram.livejournal.com]

Вось і я ня ведаю.
Як я зразумеў, кашэрным было б ці перадрукоўваць з ранейшых публікацыяў, ці калі акадэмічны Інстытут літаратуры сваім аўтарытэтам падмацуе публікацыю рукапісаў. Ня ведаю, наколькі гэта прынятая практыка, а наколькі панты. Думаю, пантоў больш -- калі ўлічыць, што ў той жа "Белы сон" Сачанка ўставіў разьдзел "З рукапіснай спадчыны".

Re: агруманты твае зразумелыя

[antanian.livejournal.com]

здаеца, гэта панты. Памятаеш як мы хадзілі да Ліса, а ў яго быў Скалабан, і як ён паглядзеў на ксэры з Абдзіраловічавай справы (тама 2 паперкі нібыта рознымі людзьмі напісаныя, але падобным почыркам), дык нават такі монстар зьдзівіўся ідэі рабіць нейкую экспертызу.

А аднаго разу быў ваашчэ анекдот. Юзік Я. надрукаваў нібыта тэкст Гарэцкага, да якога той ня меў дачыненьня. І нічаво:)